O RALLIE DE OURENSE
O pasado sábado, día 19, tivemos a ledicia de ver pasar os bólidos, tronando a toda marcha, pola parroquia de Macendo, onde as carreteiras faltaranlle moitas cousas, pero curvas ten de abondo.
Houbo dúas «pasadas», a primeira sobre as dez e a segunda sobre a unha da mediodía. Gozamos con emoción cos «derrapes» en Vilela, O Couso, Meizo, Fondo de Vila, As Bouzas, A Cuqueira e Prado. Nas curvas «pronunciadas», numerosos grupos de xente -case toda nova-, comendo e bebendo, animaba os condutores o seu paso, mesturándose o ruxido dos motores cos berros dos xiareiros.
A xente que veu de fora -que era maioría- gozou dunha boa maña de sol, coñeceu ou recoñeceu a nosa riqueza natural e artística, e os que tiveron sorte probaron as quentiñas «empanadiñas» do Bar do Manolo, en Fondo de Vila.
Vale a pena
Texto: Luís de Albín
Fotografías: Diego Dubo