Comezamos…
Benqueridos Cibernautas:
Este blog creouse coa pretensión de ser un punto de información e referencia para todos eses homes e mulleres interesados en saber sobre Macendo, situado no concello de Castrelo de Miño.
Moitas desas persoas manteñen vínculos de unión con esta parroquia ouresana; trátase de xente, nunha grande parte, que non reside en Galicia (ás veces, ate nin dentro de España) e que, aínda así, tenlle un forte apego á parroquia onde creceu.
Como cura contra a saudade e como un intento de achegar información de interese, presentamos o noso blog, agardando que cumpra as expectativas de aqueles que nos len nestes momentos.
Estamos abertos a calquera tipo de suxerencia que se queira facer: podedes deixar comentarios na mesma páxina ou ben enviar un correo electrónico a chicholopezf@yahoo.es.
Desexando que este proxecto marche cara adiante, aproveitamos para vos desexar un feliz comezo de ano 2009.
Un saúdo.
Pinchade aquí se queredes escoitar unha típica canción galega, «Ahí ven o Maio», de Luis Emilio Batallán.