SEMANA SANTA EN MACENDO
Na igrexa parroquial celebráronse os actos da Semana Santa, tal como acontece tódolos anos.
O Domingo de Ramos tivo lugar a misa solemne, durante a cal foron bendecidos os ramos dos asistentes.
O xoves houbo misa pola tarde, facendo lembranza da Ultima Cena.
O Venres, tamén pola tarde, houbo outra Misa, esta para lembrar a Paixón. Non se celebrou o Vía Crucis debido o mal tempo, pero si a Adoración da Cruz, pois foi presentada os fieis para que a bicasen.
O Sábado á noitiña, á porta da igrexa queimáronse vides, aproveitouse esta para encher o incensario, e tamén para acender o Cirio Pascual, e a sua vez con este as velas dos asistentes. Na igrexa, xa de noite, só alumeada por estas velas, tiveron lugar os actos liturxicos: misa, bendición da auga e outros.
Rematados os actos, os asistentes volveron a casa coa vela e tamén coa auga bendita.
Co Domingo de Resurrección ou Domingo de Pascua, remataron os actos da Semana Santa.